O espectáculo “Asdomare” de Vero Rilo e Sonsoles Penadique pecha este domingo, ás 12.30 horas, no Mercado de San Antonio a programación do 8M organizada polo Concello de Tui 8M.
Neste espectáculo, “Asdomare”, dirixido a público familiar Vero Rilo e Sonsoles Penadique contarán unha historia que levará ao público a coñecer a realidade das mulleres do mar, ou do mar das mulleres. É tamén a senda dos faros que alumean A Maruxaina, A pedra do cú da raíña, os cantos das conserveiras… Todo o que o mar quita, todo o que o mar deixa.
“Asdomare” ten unha duración de 50 minutos. A entrada é libre e gratuíta.
