Marzo vai chegando ao seu fin, e con el chega o particular cambio de hora a España. Na madrugada do sábado 29 de marzo ao domingo 30 de marzo, os reloxos adiantarán unha hora. Así, ás 2:00h da madrugada pasarán a ser as 3:00h e comezará o denominado como horario de verán.
Esta moficación dos reloxos, que ten lugar dúas veces ao ano nos meses de marzo e outubro, ten a súa orixe en 1794 cando Benjamin Franklin suxeriu este cambio para adaptarse á luz natural e reducir o consumo de velas.
En España, a práctica foi adoptada en 1918 de forma intermitente e foi en 1974 no marco da crise do petróleo cando varios países, incluído España, instauraron o cambio de hora de forma regular. Dende 1981, a práctica foi estandarizada en toda a Unión Europea, establecendo o cambio de hora en marzo e outubro.
Deste xeito, o domingo 30 de marzo haberá máis horas de sol pola tarde, sendo o atarceder na área metropolitana de Vigo ao redor das 21:00h.
Por qué se realiza o cambio horario?
O cambio de hora ten tanto partidarios como detractores, e é motivo de debate cada vez que se acerca o momento. A pesar diso, a súa implementación segue en vigor na Unión Europea, polo momento.
A finalidade, segundo aseguran os expertos, é reducir o consumo enerxético permitindo unha maior coincidencia entre as horas de luz e as actividades diarias.
Como afecta este cambio á saúde?
O cambio de hora ao horario de verán, ofrece máis horas de sol ao fin do día pero para moitas persoas eses sesenta minutos de adianto, teñen consecuencias.
Esta modiifcación, xera en moitas ocasións un fenómeno similar ao jet lag, con síntomas que poden incluír fatiga, somnolencia durante o día ou dificultade para concentrarse debido a un desaxuste na hormona esencial para o descanso: a melatonina.
Este pequeno trastorno temporal, adoita ter máis impacto en persoas con rutinas moi marcadas como nenos ou anciás ou aqueles que xa presentan problemas de sono.
