jueves, abril 3, 2025
InicioNewsComarcasBuscan extras no Rosal para unha rodaxe dunha curta profesional no mes...

Buscan extras no Rosal para unha rodaxe dunha curta profesional no mes de abril

O Rosal convértese nun escenario de cine. A Escola de Cine Acting School de Vigo abre a porta á veciñanza rosaleira para participar como extras na rodaxe dunha curta profesional que se filmará no municipio durante o mes de abril. A gravación encherá de cámaras e actores o Rosal a semana do 14 ao 20 de abril, aínda que as veciñas e veciños interesados en participar deberán ter dispoñibilidade o luns 14 de abril en horario de mañá.

Para todas aquelas persoas interesadas en vivir esta experiencia cinematográfica, convocouse unha reunión explicativa este sábado 29 de marzo de 17.00 a 20.00 horas no Salón de Exposicións do Concello. Neste encontro daranse todos os detalles sobre a rodaxe, a vestimenta desta curta ambientada nos anos 70 e da participación da veciñanza no proxecto.

Dende o Concello «anímase a rosaleiros e rosaleiras de todas as idades a formar parte desta iniciativa única, unha ocasión excepcional para poder formar parte do mundo do cine e ver O Rosal convertido nun escenario profesional de rodaxe”.

مقالات ذات صلة

OUTRAS NOVAS