A Sociedade de Vivenda Pública de Galicia (Vipugal), dependente da Consellería de Vivenda e Planificación de Infraestruturas, publicou hoxe no Diario Oficial de Galicia (DOG) a oferta de emprego público para a cobertura de 8 prazas, que completará o cadro de persoal da sociedade.
Trátase da convocatoria do proceso selectivo incluído na oferta de emprego público 2024 da Xunta de Galicia, para a cobertura dos postos de catro arquitectos, 1 deles pola quenda de discapacidade; dous técnicos xurídicos e dous administrativos.
O sistema de selección para estas ofertas será pola quenda de acceso libre e mediante o sistema de concurso-oposición.Esta publicación dá así cumprimento ao acordo do consello de administración da Vipugal, celebrado o pasado 13 de febreiro, tal e como apuntan desde a Xunta de Galicia.
Prazo de presentación
O prazo para a presentación de solicitudes rematará transcorridos 20 días hábiles, a contar desde hoxe, día da publicación no DOG. Se coincide en sábado, domingo ou festivo, prorrogarase ata o día hábil seguinte.
Vipugal constituíuse oficialmente en novembro do 2024 e ten o obxectivo promover 2.350 vivendas públicas ata el 2028, para conxuntamente coas impulsadas polo IGVS acadar o reto de chegar ás 4.000 novas vivendas protexidas nesta lexislatura. Neste sentido a Xunta ten xa máis de 2.000 vivendas en distintas fases de execución.
