Unha colisión frontal entre dous vehículos obriga a excarcelar a unha persoa do seu coche no Concello de Salceda de Caselas. O siniestro produciuse no quilómetro 5 da PO-510 á altura parroquia de San Xurxo, segundo informou o 112 Galicia. Hai dúas persoas feridas, unha delas en estado grave.
Ata o lugar desprazáronse os Bombeiros do Porriño, que se encargaron de realizar as tarefas de excarcelación dun dos implicados, que foi trasladado ao hospital en ambulancia.
O primeiro aviso recibido no 112 Galicia foi en torno ás 8:00h da mañá, a través dun particular. Ao tempo, un dos implicados chamou ao equipo de emerxencias informando que unha das persoas era incapaz de abandoar o seu vehículo.
Dende o 112 Galicia solicitouse actuación do servizo de Urxencias Sanitarias de Galicia – 061, dos Bombeiros do Porriño, Garda Civil de Tráfico, voluntarios de Protección Civil de Salceda de Caselas e dos servizos de mantemento de estrada.
En tanto se realizaban as tarefas de excarcelación e limpeza da estrada, o tráfico foi desviado por estradas alternativas, provocando algunhas retencións.
