Ao igual que cada fin de semana, dende Si Radio achegamos a axenda cultural e de ocio nas comarcas, nesta ocasión, marcada pola celebración do entroido en moitos dos municipios das nosas bisbarras.
Tres días de festas, música e diversión para pequenos e maiores nas comarcas do Condado, Paradanta, Val Miñor, Baixo Miño e Louriña.
Venres 28 de febreiro
Tomiño celebra o seu Venres de Foliada co desfile de compararsas pola rúa Gondomar.
O evento dará comezo ás 21:30h.
En Baiona terá lugar a Festa da Arribada durante toda a fin de semana.
Programación completa aquí.
Sábado 1 de marzo
O entroido de Mondariz chega con desfile de comparsas e festa DJ.
O desfile comeza ás 17:00h.
O Concello da Guarda ten programadas actividades durante a fin de semana de Entroido.
Pódense consultar as datas no seguinte cartel.
27 comparsas percorrerán as rúas do Concello do Porriño.
Ademais, estarán acompañadas de dúas charangas e unha batucada.
A banda de rock alternativo en galego ‘Exeria‘ actuará en Salceda de Caselas.
Ás 21:30h presentarán o seu novo tema ‘Como Xudas’ na cervexaría Fiuncho e Néboda.
A Banda Cultural de Salceda ofrecerá o seu Concerto de Entroido.
Ás 20:00h no auditorio municipal.
Arbo celebra a súa tradicional Festa Infantil de Entroido.
Ademais, haberá visita de personaxes Disney.
Fora da programación do entroido, en Salvaterra de Miño proxectarase a película Aquaman.
A entrada é de balde e a sesión dará comezo ás 22:00h.
Domingo 2 de marzo
As rúas de Salceda de Caselas acollerán o desfile de comparsas de entroido.
O desfile dará comezo ás 17:00h.
O Concello do Rosal realizará o seu Entroido en horario de mañá.
Dende as 11:00h as comparsas sairán da Rotonda da Feira para percorrer as rúas Xulio Sesto e Ramón Franco.
Ponteareas dará lugar ao desfile de comparsas polas rúas do municipio ás 17:30h.
O remate será na Praza Maior.
O desfile de comparsas de Arbo comezará ás 17:00h na Carballeira de Turbela.
Salvaterra de Miño proxectará a película «Migración! Un viaje patas arriba«.
A sesión dará comezo ás 17:00h na Casa da Cultura de Salvaterra.
