A SCD Condado organiza o I Certame Literario Xuvenil ‘Festival da Poesía no Condado’ dirixido a persoas residentes na comarca do Condado menores de 20 anos.
Os traballos presentados, que serán de temática libre, deberán ser orixinais e inéditos, escritos en lingua galega e no xénero literario da Poesía. Ademais, poderán enviarse de 1 a 3 poemas nunha extensión máxima de 3 páxinas.
O prazo de presentación remata o 31 de abril de 2025 e os traballos deberán ser enviados nun documento en formato PDF ao correo electrónico info@scdcondado.org.
O premio estará dotado de 300 euros en material escolar e/ou informático comprado en establecementos de Salvaterra e o xurado estará constituído por catro escritores e escritoras e un integrante da SCD Condado.
A maiores, o poema ou poemas gañadores serán publicados na antoloxía poética do Festival da Poesía do Condado de 2025 e a persoa gañadora será convidada a participar no Festival da Poesía deste mesmo ano recitando os seus poemas.
