O Concello de Nigrán elabora unha páxina web destinada aos peregrinos do Camiño de Santiago que atravesan o municipio. Así, a través da web wwww.caminonigran.com poderán programar a súa viaxe ou improvisar sobre a marcha con información oficial actualizada e xeolocalizada.
Na web, os transeúntes poderán atopar as diferentes variantes do camiño a elexir, información sobre onde durmir, comer, descansar ou beber e ata en que nivel se atopa a marea.
«Queremos que o peregrino reciba toda a información dunha maneira sinxela e no seu idioma e que se sinta especialmente ben coidado en Nigrán, que nos recorde como un lugar amable a onde regresar», explica o alcalde, Juan González.
Con este propósito, a web será tamén promocionada ao longo do camiño de Nigrán con pegatinas cunha ligazón QR que accederá directamente a ela.
Ademais, co fin de que o seu uso sexa útil e sinxelo, empregáronse aplicacións de Google como Google Maps, que ofrece a vantaxe de aparecer no idioma do propietaro de cada dispositivo móvil.
