Baiona estará conectada por mar con Panxón, Vigo e Cangas durante a celebración da Festa da Arribada, prevista do venres 28 de febreiro ao domingo 2 de marzo.
Naviera Mar de Ons será a empresa encargada de realizar este servizo especial de transporte marítimo durante a tarde do venres 28 dende Vigo e Cangas, e operando durante todo o día tanto o sábado día 1 como o domingo 2 de marzo dende Panxón, Vigo e Cangas.
«Máis de 20 anos ofrecendo este servizo nos teñen demostrado que o barco é a mellor alternativa para chegar a Baiona durante a Arribada, pois evita atascos, problemas de aparcamento e ademais, é un medio sostible e cómodo» sinala Silvia Torres, responsable comercial de Mar de Ons.
O prezo dos billetes de ida e volta son de 9,50€ para adultos dende Vigo e Cangas e 6,00€ para menores dos 4 aos 12 anos. Dende Panxón, os billetes terán un custe de 6,50€ por adulto e 4,5€ para menores dos 4 aos 12 anos. Os menores de catro anos viaxan de forma gratuíta.
A venda dos boletos está dispoñible na páxina web de Mar de Ons, onde tamén se poden consultar horarios e reservar praza con antelación.
