A Comisión pola Recuperación da Memoria Histórica do Baixo Miño organiza unha sesión de visionado do documental ‘Aillados‘, que terá lugar na Sala Polivalente do Rosal o vindeiro mércores 26 de febreiro. O evento dará comezo ás 20:00h.
Aillados é un documental que versa sobre a memoria dos presos na Illa de San Simón durante parte do franquismo, pois dende 1936 a illa foi convertida en campo de concentración e cárcere.
O evento estará presentado pola alcaldesa do Rosal, Ánxela Fernández Callís e contará coa participación do alcalde de Nigrán e coautor do documental, Juan A. González Pérez.
