Renfe, coa colaboración do Concello de Ourense, pon en marcha a campaña “Ven ao Entroido de Ourense”. Esta ten como obxectivo fomentar os desprazamentos desde Madrid cara á cidade de Ourense durante a celebración destas festas.
A oferta é válida para os trens que sairán o sábado, 1 de marzo, desde a estación Madrid Chamartín – Clara Campoamor ás 13.15 e ás 14.40 horas, que ten un prezo de 30 euros, e o que regresará o domingo 2, ás 6.30 horas desde Ourense que ten un prezo de 30 euros.
Prazas
As persoas que o desexen poderán adquirir a prezos accesibles billetes de tren para viaxar en tren de alta velocidade, pasar un día e unha noite de festa desfrutando o Entroido de Ourense e volver ao día seguinte.
As prazas son limitadas. Poderanse adquirir os billetes desde o 14 de febreiro até o día 1 de marzo na páxina web de Renfe e na App de Renfe. Tamén estarán dispoñibles nas billeteiras das estacións, máquinas autoventa e Venda Telefónica 912 320320. Ademais de en axencias presenciais e virtuais.
