A Consellería de Sanidade informa, que de forma provisional, a partir do vindeiro 17 de febreiro realizaranse cribados de cancro de mama as mulleres do distrito sanitario de Monforte de Lemos en Lugo. Preténdese con isto, proceder á reparación ou dotación dun novo mamógrafo no Hospital Público de Monforte de Lemos.
A Consellería de Sanidade, a través da Dirección xeral de Saúde Pública, organizará a actividade e proporcionará transporte gratuíto ás mulleres. Así, pretenden facilitar o desprazamento a Lugo para a realización das mamografías do programa de cribado. Estas probas levaranse a cabo no centro de saúde da Praza de Ferrol.
Ademais, a Dirección Xeral de Saúde Pública procederá ao envío dos SMS cun enlace á web do departamento sanitario galego con toda a información dos horarios dos autobuses.
Esta medida será provisional, mentres non se repare ou se dote dun novo mamógrafo ao Hospital Público de Monforte. Desde a área sanitaria xa se está a traballar para ofrecer unha áxil resposta a esta situación.
No momento en que o Hospital Público de Monforte xa teña operativo de novo o mamógrafo, a Consellería de Sanidade informará de forma particular ás persoas que estivesen citadas para a realización do cribado en Lugo.
