O Concello de Ponteareas informa da nova convocatoria de cursos de lingua galega preparatorios para a obtención dos Celga 2, Celga 3 e Celga 4, convocados pola Secretaría Xeral da Lingua.
O Servizo de Normalización Lingüística do Concello informa que estes cursos poderanse levar a cabo de xeito presencial e en liña e que o prazo para poder inscribirse nos cursos remata o día 28 de febreiro de 2025.
As persoas interesadas en inscribirse nos cursos presentarán a súa solicitude a través da plataforma de teleformación da Secretaría Xeral da Lingua.
Todas as persoas que estean interesadas e precisen infomación sobre estes cursos poden dirixirse ao Servizo de Normalización Lingüística do Concello de Ponteareas, onde recibirán información detallada.
