Os cines do Centro Comercial Gran Vía de Vigo abrirán de novo as súas portas a vindeira semana tras permanecer pechados dende o pasado verán.
A empresa cinematrográfica española, OCine, foi a encargada de transformar o servizo dos anteriores cines en salas Premium, contando coa instalación de butacas extra amplias e reclinables e a tecnoloxía de audio Dolby Atmos Cinema.
Ademais da comodidade mellorada nas butadas, entre as novas salas de cine contarán cunha sala exclusiva infantil, que segundo informa a empresa na súa páxina web, inclúen un tobogán xigante, xogos variados na parte baixa da sala, un pequeno descanso na metade da película e packs especiais para a celebración de aniversarios.
Estes novos cines tamén contarán cunha sala 4D-Emotion que promete «levar os teus sentidos a unha nova dimensión» e vivir unha experiencia sensorial a través de movemento, aire, vibración, aromas, agua e luces, entre outros.
Finalmente, as salas abrirán ao público o vindeiro venres 14 de febreiro ás 16:00h e as entradas estarán á venda na páxina web a partir do día 10 de febreiro. Nelas, poderase visualizar filmografías como Capitán América ou Bridget Jones.
