A alcaldesa de Ponteareas, Nava Castro, xunto ao tenente de alcaldesa Juan Carlos González, o concelleiro de Turismo, Nicolás Rodríguez e o presidente da Xunta de Galicia, Alfonso Rueda, veñén de presentar no stand de Galicia da Feira Internacional de Turismo o cartel do Corpus Christi 2025.
“Pola súa importancia e polo seu alcance, este ano e por vez primeira o cartel do Corpus Christi de Ponteareas foi presentado en FITUR. Era unha conta pendente, recoñecer a nosa festa máis importante, un dos nosos sinais de identidade que leva o nome de Ponteareas polo mundo adiante e ademais é un recoñecemento ao esforzo das e dos nosos alfombristas”, sinala o tenente de alcalde e concelleiro de Cultura.
A festa, de Interese Turístico Internacional dende o ano 2009, e recentemente decarada Ben de Interese Cultural Inmaterial, busca agora conseguir o recoñecemento da UNESCO, segundo informan dende o goberno local.
Tamén en FITUR, se presentará a décimo terceira edición do Festival Groba, unha semana adicada a difundir a música de cámara nos seus diversos formatos, por en valor a creación compositiva do Mestre Groba e achegar a música ao maior número de público.
A alcaldesa, Nava Castro, «convida a vivir a arte de Ponteareas en FITUR» e no stand de Galicia asegura que «difundirá o nome da vila a través da música e da arte efémera das alfombras, así como tamén a través das exposicións que acolle a recentemente inaugurada residencia de artistas Artistea e a Tradicional Feira dos Remedios«.
