O actor e humorista galego, Xosé A. Touriñán, xa ten novas datas para ofrecer o seu monólogo «Aquí tou!». Entre elas, atópase o municipio de Ponteareas, entre outras localidades como Carballiño ou Lugo. As entradas xa están a venda na páxina web de giglon.
Será o próximo 25 de maio cando o humorista se suba ao escenario do Auditorio Municipal Reveriano Soutullo para facer rir ao público. A través dun monólogo, Touriñán realiza un percorrido pola súa vida, desde a súa concepción nunha noite de San Xoán ata un posible epitafio, segundo explican desde a organización. Ademais, mesturará a realidade coa ficción así como a tenrura e picardía coas anécdotas propias e cultura popular galega.
