Tui prepárase para dar a benvida ao novo ano 2025 cunha festa de Fin de Ano da man da Orquesta Kubo. O evento dará comezo á unha da madrugada do mércores 1 de xaneiro no Espazo Feira da Avenida da Concordia.
O recinto estará cuberto con carpa, e a orquesta ofrecerá un espectáculo musical e festivo para dar comezo ao novo ano.
A formación musical ofrecerá un show que transportará ao público ás décadas dos 70′, 80′, 90′ e 2000 aínda que tamén interpretará temas actuais.
A agrupación, composta por quince persoas, entre cantantes, banda e bailarines, darán vida a este espectáculo musical e festivo sobre o escenario máis grande de Europa, segundo aseguran dende a dirección.
Ademais, co fin de despedir o ano facendo deporte, na mañá do 31 de de decembro terá lugar a III San Silvestre Popular que percorrerá as rúas da vila.
A carreira, con 4 quilómetros de distancia, dará comezo ás 10:30h e terá a saída e a meta no Paseo da Corredoira. Ao remate haberá chocolatada e rosca para os e as participantes. Ademais, ás 12:00h da mañá repartiranse paquetes con 12 uvas e terán lugar as badaladas.
