A Garda Civil do Porriño detivo a dous varóns de 54 e 59 anos por un presunto delito de tráfico de drogas logo de realizar un operativo o xoves 26 de decembro. Ademais, identificáronse a tres consumidores que se atopaban no interior dunha pequena edificación na que residían os acusados.
O rexistro permitiu a incautación dun total de 1.260 euros en efectivo, 17 teléfonos móviles, un ordenador portátil, varias doses de cocaína e marihuana, dúas básculas de precisión así como o material empregado para a venta de estupefacientes.
Finalmente, o operativo, que culmina con estas detencións, foi o resultado dunha investigación iniciada a raíz da alarma veciñal que se xerou desde o pasado mes de outubro. Os residentes da zona alertaran sobre a «presenza constante de persoas vinculadas ao consumo e tráfico de drogas».
O operativo contou coa colaboración de varias unidades da garda Civil, entre elas a Compañía da Garda Civil de Vigo, a Unidade de Seguridade Ciudadana, o equipo Cinolóxico e o equipo Pegaso.
Segundo indican fontes do caso, as dúas persoas detidas contan cun amplo historial de antecedentes penais e, logo d eprestar declaración, quedaron en liberdade en sede policial á espera de ser citados polo Xulgado de Instrucicón de garda do Porriño.
