O home, acusado de matar a acoiteladas a súa parella en Viveiro, en Lugo, irá a prisión provisional, comunicada e sen fianza. Así o vén de decretar a xuíza do Xulgado de Instrución número 2 do municipio, onde se lle investiga por delito de asasinato.
Ingresará en prisión toda vez que termine o tratamento no Hospital Universitario de Lugo. Cómpre lembrar que permanecía nesta infraestructura sanitaria logo de que intentara suicidarse tras, supostamente, acabar coa vida da muller.
A xuíza explica no auto que a medida é proporcionada, en atención á consistencia dos indicios de culpabilidade e gravidade da pena así como a finalidade pretendida.
