O Equipo EBIO da Garda Civil de Tui investiga a un veciño de Oia, de 65 anos, por un presunto delito contra a saúde pública na súa modalidade de cultivo ou elaboración de droga. Desde o pasado mes de setembro o EBIO de Tui iniciou distintas pescudas para localizar diferentes plantacións de cultivo de marihuana, tanto en exterior como interior dependendo da época do ano. Tense coñecemento que en Santa María de Oia, e no interior dun galpón e anexos a unha vivenda podería estar instalada unha plantación indoor de marihuana e secadero da mesma.
O pasado 11 de decembro realízanse as comprobacións oportunas para verificar se a plantación segue en funcionamento dando resultado positivo. Existe un forte cheiro característico destas plantas no exterior, e compróbase trasfega de bolsas e produtos necesarios para o cultivo, obsérvanse saídas de gases nunha parede lateral do galpón e un programador eléctrico de rega automática ancorada á parede do mesmo.
Por iso os axentes actuantes, comparecen neste domicilio e entrevístanse co propietario da leira, o cal fai entrega voluntaria exclusivamente das plantas que ten no interior do domicilio, concretamente no ático. Alí atópanse dous armarios de mylar (armarios utilizados para o cultivo de marihuana indoor) localizando no seu interior 120 plantas, que son intervidas, quedando os demais efectos para o cultivo baixo a custodia do propietario, en calidade de depositario, sendo informado de que os mesmos están a disposición xudicial.
Solicítase un mandamento de rexistro para a inspección dos galpóns e anexos á vivenda ao Xulgado de Primeira Instancia e Instrución TRES de Tui. Unha vez en poder da citada orde practícase un rexistro con posterioridade, onde se achan mecanismos e infraestruturas necesarias para o cultivo destas plantas. Todo iso queda tamén depositado no mesmo lugar, a disposición xudicial.
