A presidencia da Federación Española de Fútbol ten nome galego. O que fora o presidente da Deputación de Pontevedra polo Partido Popular, Rafael Louzán, é o novo líder da RFEF logo de conseguir 90 votos a favor contra os 43 que consguiu o seu contrincante, o valenciano Salvador Gomar. O galego era, ata o de agora, o número un da Real Federación Galega de Fútbol.
Un total de 138 asambleístas exerceron o seu dereito ao voto na Asamblea Xeral, culminando así o proceso electoral da RFEF. A sesión contou coa presenza dos representantes institucionais da FIFA, Emilio García Silvero, e da UEFA, Thierrey Favre.
Con todo, o galego está pendente do que dite o Tribunal Supremo o próximo 5 de febreiro. Cómpre lembrar que Louzán foi condenado a dous anos de cárcere e oito de inahbilitación para cargos públicos por un delito de prevaricación e outro de fraude por conceder unha axuda de 86.311 euros ao Concello de Moraña para que realizase unhas obras no campo de fúbtol. Esas obras estaban xa prácticametne executadas.
