O presidente da Xunta de Galicia, Alfonso Rueda, vén de anunciar que a Xunta volverá a activar unha nova edición do Bono Activa Comercio no mes de decembro.
Así o fixo constar durante a sesión de control do Parlamento Galego, na que informou que «serán 2,5 millóns de euros que se engadirán á campaña realizada o pasado mes de novembro».
O presidente autonómico informou durante a sesión de control que o bono poríase en marcha nesta ponte de decembro. Finalmente, segundo indica oficialmente a Xunta de Galicia, os bonos poderán ser empregados a partir do luns día 9 de decembro.
O obxectivo, segundo se informou, é «mover a pequena economía galega, principalmente dos autónomos, e que a xente que descargou o bono e non o puido empregar, que o empregue».
A @Xunta reactiva os Bonos Activa Comercio con outros 2,5 M€, de forma que:
— Alfonso Rueda (@AlfonsoRuedaGal) December 4, 2024
✅ As persoas que non gastaron os bonos teñen unha nova oportunidade
✅ Aqueles que non os descargasen poden facelo para as compras de Nadal
✅ As tendas que non se adherisen poden facelo agora pic.twitter.com/GNUCyjsgQV
