O próximo domingo 15 de decembro ás 17:00h a orquesta La Fórmula realizará a presentación oficial da súa Xira 2025 no Auditorio Abanca de Pontevedra. O evento será o pistoletazo de saída para o ano do seu décimo aniversario.
O evento contará coa presencia de todos os integrantes de La Fórmula, incluíndo tanto aos artistas que continúan na formación un ano máis como ás novas incorporacións ao equipo para a nova xira.
A presentación estará dirixida por Peke, cantante e director da orquesta e será él o encargado de desvelar aos novos integrantes así como o nome e todos os detalles desta nova xira.
«Queremos ilusionar a todos os que nos apoiaron ao longo destes anos» aseguran desde as redes sociais da orquesta, «esta presentación será a máis importante da nosa traxectoria«.
O acceso ao evento é gratuíto ata completar o aforo. A apertura de portas do auditorio realizarase ás 17:00h.
