Esta mañá presentouse na Biblioteca Municipal María Magdalena o Club de lectura fácil inclusiva titulado “Libros sen Límites”. Unha novidosa iniciativa que nace coincidindo coa conmemoración, mañá 3 de decembro, do Día Internacional das Persoas con Discapacidade.
Na presentación estiveron presentes a alcaldesa de Mos, Nidia Arévalo, e a concelleira de Política Social, Sara Cebreiro. Ademais, participou a educadora e dinamizadora que será a encargada de conducir o Club, Vicky Lago, xunto co seu can de terapia, Mimo, que estará presente como parte activa nas sesións. A bibliotecaria municipal, Diana Lago; membros de EVD Galicia e Cogami e usuarios da Biblioteca Municipal tamén acudiron a este acto.
A rexedora local, Nidia Arévalo, e a edil mosense de Política Social, Sara Cebreiro, declararon sobre o Club de Lectura Fácil que «ofrece unha oportunidade significativa. Esta destinada a que persoas con discapacidade cognitiva ou intelectual conéctense coa lectura e cos demais. O impacto esperado non só se limita ao desenvolvemento de habilidades lectoras, senón que tamén busca fomentar a inclusión social e fortalecer a autoestima dos participantes”.
«Libros sen límites»
O Club de lectura fácil inclusiva impartirase na Biblioteca Municipal María Magdalena cunha periodicidade quincenal, os martes ás 12.00 horas. A inscrición xa se topa aberta para todas as persoas que queiran participar. Deste modo, os interesados en anotarse a esta iniciativa deben chamar ao número de teléfono da Biblioteca para facelo: 986 338 080.
Os destinatarios da iniciativa son persoas con discapacidade, cognitiva ou intelectual, ou calquera persoa á que lle custe ler como, por exemplo, persoas maiores. Os obxectivos da actividade son crear un espazo de disfrute, aprendizaxe e socialización. Isto mediante unha metodoloxía que simplifica os textos para facelos máis comprensibles e que sirva de foro de intercambio de ideas e emocións. O club de lectura incluirá tamén actividades complementarias como xogos, debates, e taller de escritura creativa.
