Ponteareas acollerá, como unha das principais novidades da programación do Nadal, a festa de Pre Fin de Ano coa actuación da orquesta Kubo. A celebración terá lugar o venres 27 de decembro, a partir das 21.00 horas, na Praza Maior. Esta axenda tamén trae outras actividades novas como o Tren do Nadal, que terá como punto de partida a Praza Bugallal. Esta acción dará comezo este domingo, 1 de decembro, a partir das 16.00 horas como preludio do acendido das luces. Esta inaguración do alumeado do Nadal terá lugar ás 18:30 horas na Praza Bugallal e contará con animacións na rúa, a cargo de Animacreques, ás 18.00 horas.
Tras o acendido das luces, Ponteareas acollerá diversas citas musicais, obradoiros, actividades deportivas e diferentes accións de lecer para todos os públicos. Así mesmo, o municipio acollerá, desde o vernes 13 de decembro ata o domingo 5 de xaneiro, o Mercado de Nadal. Cun horario de mañá, de 10.00 a 14.00 horas, e de tarde, desde ás 16.00 ata ás 21.00 horas, diferentes postos estarán dispoñibles nas instalación da Nave de Aceros do Tea.
Tamén haberá recepcións aos protagonistas destas festividades. O domingo 22 de decembro será o turno de Papa Noel na Praza de Bugallal ás 18.00 horas. Ademais, nesta xornada, a partir das 16.00 horas, haberá unha Papanoelada moteira polas distintas parroquias. Os Reis Magos chegarán ao Salón de Plenos para a súa recepción o domingo, 5 de xaneiro, ás 12.00 horas. Tras esta acción, ás 18.00 horas dará comezo a Cabalgata de Reis cun percorrido por diversas rúas da vila. Esta actividade será o broche final da programación, aínda que ata o 16 de febreiro estará dispoñible a exposición de Artistea, «A cerámica castrexa en Galicia: Investigación e Recuperación».
Máis actividades da programación
A residencia de artistas de Ponteareas acollerá dúas exposicións dentro da axenda de actividades do Nadal. A primeira está aberta ao público ata o 21 de decembro baixo o título «Alfonso Quinteiro: Alma de Ponteareas». Por outra banda, a segunda tivo a súa inaguración onte e estará, como xa adiantamos, ata o 16 de febreiro en Artistea.
A programación do Nadal tamén conta con actividades para os máis pequenos. O mércores 4 de decembro haberá un contacontos infantil na sala multiúsos Reveriano Soutullo. A agrupación Teatro Calavera achegará a Ponteareas a súa representación «Aninmaladas» a partir das 18.00 horas. O xoves 26 de decembro tamén haberá un contacontos na Nave de Aceros do Tea. Noelia Porto divertirá a todos con «Nadal en prácticas» ás 17.00 horas. Os nenos tamén poderán disfrutar do espectáculo «El mundo de los muñecos» o sábado, 14 de decembro, no Auditorio Reveriano Soutullo. Así mesmo, dentro da programación haberá obradoiros, concertos e outras actividades de lecer para todos os públicos.
Por outra banda, o Nadal en Ponteareas contará con catas de viños nas instalacións da Nave de Aceros del Tea. As xornadas escollidas son o venres 13 e os sábados 21 e 28 de decembro. Para esta actividade é necesario realizar unha reserva a través do teléfono 673855422.
Dentro das accións relacionadas co deporte resalta a Carreira San Silvestre, a partir das 16.00 horas, o martes 31 de decembro co punto de saída na Praza Maior. Ademais, Ponteareas acollerá o sábado 4 de xaneiro o Campionato Galego de Ciclocross. Esta última actividade deportiva da programación do Nadal terá lugar no Campo de Fútbol de Pardellas.
