Os veciños e as veciñas de Ponteareas contarán cunha aula de estudo, que estará aberta 24 horas os sete días da semana, nas intalacións da nova Biblioteca Municipal. Así o confirmou a alcaldesa, Nava Castro, nos micrófonos azuis de Si Radio de Galicia, onde explicou que agora é a quenda de realizar unha selección dos cinco proxectos finalistas para a rehabilitacón do edificio que albergará a biblioteca, na actual Praza de Abastos.
Deste xeito, Ponteareas equipárase ao Porriño en materia de accesibilidade a un espazo no que os veciños e as veciñas poidan estudar independetemente do horario do que dispoñen. Foi o municipio da Louriña o primeiro en contar cunha aula de estudo aberta os sete días da semana co obxectivo de «atender unha importante demanda da mocidade porriñesa e da cidadanía en xeral, habilitando un espazo en condicións onde poder estudar nun ambiente tranquilo, agradable e que favorece a concentración», segundo aseverou o rexedor Alejandro Lorenzo.
Agora, o futura Biblioteca Municipal de Ponteareas, que se localizará na actual Praza de Abastos, dará resposta a unha das demandas do estudantado da vila do Tea posto que o actual horario deste servizo é de 08:00 horas a 21:00 horas de luns a venres e os sábados, de 10:30 horas a 13:30 horas, o que imposibilita o acceso para aquelas persoas que compaxinan un traballo cunha formación académica.
Segundo apuntan desde o Concello, o espazo, habilitado para albergar a usuarios e a usuarias, terá un acceso independente e contará con pases automáticos para cada un dos usuarios e das usuarias.
