A Real Federación Galega de Fútbol elixe Ponteareas para celebrar a VI Xornada de Actualización e Reciclaxe para adestradores de fútbol. Este acto terá lugar o vindeiro luns, 25 de novembro, de 17.00 a 22.00 horas no auditorio Reveriano Soutullo. A concellería de Deportes, que dirixe Luis Rodríguez, informou sobre esta actuación que tivo o último acto na Cidade Infantil Príncipe Felipe.
No encontro participarán o director deportivo da Real Sociedade de Fútbol, Roberto Olabe; o seleccionador de Portugal, Roberto Martínez; o adestrador do Real Club Celta de Vigo, Claudio Giráldez e o adestrador profesional Eusebio Sacristán.
Luis Rodríguez explica a importancia da celebración desta xornada na vila que atrae a profesionais do mundo de fútbol de toda España que pechou a inscrición o mesmo día da apertura ante o alto interese suscitado.
