Desde a Axencia de Colocación do Concello ponse en marcha un Centro de Capacitación Dixital a través da aula CCD de Mos. Informaron hoxe desta novidade a alcaldesa de Mos, Nidia Arévalo, e a concelleira de Emprego e Educación, Julia Loureiro. Con esta iniciativa, Mos segue a loitar contra a fenda dixital no rural e despunta como polo de capacitación en habilidades dixitais.
O novo centro desenvolverá accións formativas con programación xa marcada desde o 13 de decembro deste ano ao 27 de outubro de 2025. Ademais, nace tras a concesión de subvención á administración local por parte do Ministerio de Educación. Tamén Formación Profesional e Deportes e pola unión europea Next Generation. Isto con cargo a unha liña de axudas para entidades locais para a creación dunha rede de centros de capacitación dixital en entidades locais para o exercicio económico do ano 2024, no marco do PRTR.
O obxectivo pretendido é “achegar á cidadanía a posibilidade de formarse en competencias dixitais transversais. Ofrecendo oportunidades de formación con independencia do lugar de residencia ou formación previa da mesma e facilitando. Por tanto, un acceso á formación compatible coas obrigacións da cidadanía derivadas de distintas condicións persoais, laborais ou sociais”, segundo declararon as representantes municipais Arévalo e Loureiro.
Deste xeito levaranse a cabo actividades especialmente dirixidas a axudar aos cidadáns para realizar comunicacións e transaccións seguras en liña. Isto usando os seus propios dispositivos electrónicos. Así mesmo, utilizarase a familiarización ou “primeira alfabetización dixital”, como instrumento de novas oportunidades de formación e aprendizaxe. Esta primeira capacitación dixital será coa oportunidade de progreso a outra formación máis complexa, que se inclúan a programación e robótica sen distinción de sexo ou idade. Isto da acordo co Marco do Plan de Recuperación, Transformación e Resilencia.
Políticas activas de Emprego
Este obxectivo e iniciativa encádrase perfectamente dentro das políticas activas de emprego que se están desenvolvendo anualmente polo Concello de Mos. Desde a concellería, considérase imprescindible a capacitación das persoas demandantes de emprego. O obxectivo é que estas persoas teñan as competencias dixitais necesarias para a procura de emprego e para a realización de formación presencial e en liña ocupacional. Polo que a creación dun Centro de capacitación dixital no municipio é clave para ofrecer unha formación e capacitación dixital de calidade ás persoas usuarias.
Este Centro estará integrado nunha Rede de aproximadamente 1500 Centros/Aulas de capacitación dixital. Por todo elo, Mos atópase ante unha gran oportunidade, a entidade local pode facilitar aos veciños e veciñas do municipio a posibilidade de acceder á Rede de Centros de Capacitación Dixital, a través da aula CCD de Mos.
Desde este mes de novembro está aberta a inscrición nos cursos. Como as prazas son limitadas, rógase que as persoas interesadas rexístrense durante este mes de novembro e decembro, para calquera dos cursos programados, e indiquen a preferencia de datas. Trátase de cursos de dixitalización aplicada de 30 horas, moi práctico, dirixidos a calquera persoa interesada, desempregada ou traballadora, en mellorar as súas competencias dixitais.
Programa formativo
O programa formativo correspóndese cos contidos dunha unidade de competencia do Catálogo Nacional de Cualificacións Profesionais (SNCFP), o que permitirá de acreditación no mesmo. As accións formativas distribuiranse en unidades de formación de 7,5 horas cada unha.
A tecnoloxías Habilitadoras Dixitais de dúas horas. A súa base é coñecer as aplicacións do IoT: Intelixencia artificial, Big Data, 5G, robótica colaborativa, Blockchain, Ciberseguridade, realidade virtual, economía circualr, 4ª Revolución Industrial, entre outras. O unidade de formación de Información e alfabetización dixital durará 7,5 horas. Ocúpase da Xestión correo electrónico, Google Calendar, marcadores sociais, buscadores, introdución á Big Data, Intelixencia artificial (aplicacións, ramas, perigos). Coa mesma duración está Comunicación e colaboración. Os participantes identificarán medios de comunicación sinxelos e apropiados para un contecto determinado, recoñecer tecnoloxías dixitais, blogs, Redes sociais: FB, IG, You Tube. Teams, Skype, Slack, Ework. Netiquette. Casos de uso.
Outra unidade con 7,5 horas de duración é a Creación de contidos dixitais. Utilizaranse Office 365, Imaxe, vídeo e audio; Zoom, presentacións en liña, opcións de gravación, pensamento computacional; realidade aumentada e Impresión 3 D. Coa misma duración está Seguridade na Rede. A súa base está na seguridade en terminais móbiles, como protexer a rede. Ciberataques, Blockchain. Identidade dixital. Por último, o programa de Resolución de problemas: Aplicacións de xestión de equipos en remoto (Evernote, Basecamp, …). Conta tamén con Introduccióin ás metodoloxías áxiles: Manifesto Agile. Introdución SCRUM. Xestión da contorna VUCA.
