Como cada fin de semana, as comarcas énchense de actividades e eventos de ocio para o desfrute de todos os veciños e veciñas.
Venres 15 de novembro
O ‘Circo de Pinocho‘ aterra esta fin de semana en Salceda de Caselas con funcións o venres, sábado e domingo.
Espectáculo apto para todos os públicos e con entradas a partir dos 10 euros.
O Multiúsos da Xunqueira, en Redondela, acollerá a conferencia «Juventud, Internet y Violencia Sexual, ¿Quién Gana?».
A charla será impartida por Amelia Tiganus, ás 19:00h.
O investigador Anxo Coia ofrecerá unha charla-coloquio en Ponteareas sobre o autor do Cruceiro do Hío, Ignacio Cerviño.
A conferencia dará comezo ás 20:00h na Sala Multiúsos do Auditorio Reveriano Soutullo.
Sábado 16 de novembro
Durante as xornadas do sábado 16 e o domingo 17 na parroquia de Arantei, en Salvaterra de Miño, terá lugar a XXIV Festa do Viño Novo, con viño gratis, postos de gastronomía e moita música.
O evento terá lugar no interior do pavillón de deportes de Arantei.
Ponteareas acolle a actuación do ‘Mago Teto‘, un espectáculo que mestura a maxia coa música. O evento terá lugar no Auditorio Reveriano Soutullo ás 19:00h.
O Concello de Soutomaior albergará durante toda a fin de semana o «American Motor Show» un espectáculo de automobilismo acróbatico para todas as idades.
Terá lugar no Peirao de Arcade cun pase ás 17:00h o sábado e outro ás 12:00h o domingo.
O Complexo Natural Cemar de Mondariz Balneario celebra a Festa do Magosto Intercultural.
A partir das 17:00h haberá música, castañas, chocolate, baile e concurso creativo, entre outras actividades. A entrada é de balde.
Baiona festexa o seu Magosto Popular con castañas de balde para todas as persoas que se acheguen.
A partir das 18:30h na praza do Concello. Haberá tamén unha zona gastronómica coa castaña como ingrediente principal.
A obra de teatro infantil «A Teteira de Kabul» da compañía Xarope Tulú chega ao Concello da Guarda.
Está indicado para un público maior de 6 anos. A función dará comezo ás 18:00h no Centro Cultural.
Domingo 17 de novembro
O Auditorio Municipal do Rosal acollerá o espectáculo musical «Opus» do trompetista Manuel Madarnás xunto coa Banda de Música Popular de Tui e coa colaboración dos músicos Sic Salem, Jorge Pimentel Coya, Iris Abril e Juan Díaz.
O evento dará comezo ás 19:00h con entrada de balde ata completar aforo.
No concello de Salvaterra de Miño, o grupo de teatro infantil «Ata Sempre» de Alxén interpretará a obra «Bonecas» ás 18:00h na Casa Cultural de Salvaterra.
O grupo de teatro «Pena do Equilibrio» actuará coa súa obra «Día Dixital» na Casa Cultural de Lira, en Salvaterra de Miño.
A función dará comezo ás 17:00h.
Xornada gastronómica no Centro Cultural de Pontellas, en Porriño coa XIX Festa da Zorza.
A festividade dará comezo ás 11:00h ata agotar existencias e contará con varias actuacións musicais de música tradicional galega.
No marco do ciclo de teatro Tea Trea de Ponteareas chega ao Auditorio Reveriano Soutullo a compañía «Pedra do Cabalo» coa súa obra de teatro «Avós de Gardería«.
A función dará comezo ás 18:00h.
