Os xulgados galegos recibiron no segundo trimestre do 2024 21 denuncias ao día por violencia de xénero. En concreto, presentáronse 248 denuncias máis que no mesmo período do ano 2023, o que supón un aumento do 14%. Segundo informa o TSXG, a meirande parte foron presentadas pola propia vítima.
O número de denuncias rexistradas foi de 1.842, fronte ás 1.678 do segundo trimestre do 2023, o que fai aumentar nun 9,8% o número de mulleres vítimas. A pesar destes datos, a taxa de violencia de xénero en Galicia situouse en 13,1, sendo a terceira comunidade máis baixa do Estado.
Os distintos órganos xudiciais da comunidade, dictaron de abril a xuño de 2024 en procesos de violencia de xénero 708 sentenzas, das cales o 84,8% resultaron condenatorias.
Por outra banda, solicitaronse ante os xulgados de violencia sobre a muller 461 ordes e medidas de protección da vítima, un 3,4% menos que no mesmo período do 2023, das cales se adoptaron 289, é dicir o 62,7%.
