A Deputación de Pontevedra manterá pechado o castelo de Soutomaior este xoves para poder garantir a seguridade das persoas visitantes. Varias árbores do xardín do recinto caeron por mor das fortes chuvias e ventos provocados pola borrasca Kirk e un equipo de operarios está a traballar no acondicionamento do espazo para abrilo, previsiblemente, este venres.
Abren o de Sobroso este xoves
Pola súa banda, no caso do castelo de Sobroso, a institución provincial prevé que mañá estea aberto no seu horario habitual, debido a que os danos que ocasionou o ex furacán ao seu paso pola contorna do recinto histórico atópanse solucionados.
