Dende o Concello buscan impulsar esta iniciativa que durará os meses de outubro e novembro e que contará coa colaboración das asociacións veciñais
A concelleira de Igualdade e de Benestar Social, Rosana Martínez, presentou hoxe unha nova edición do programa Enredadas. Unha iniciativa que, ao abeiro da oficina CIM, impulsará o Concello de Soutomaior durante os meses de outubro e novembro.
Trátanse dun conxunto de actividades grupais dirixidas a mulleres maiores de 60 anos e que realízanse en colaboración con distintas asociacións veciñais do municipio. É importante resaltar en relación á cuestión da idade, que naqueles casos nos que as mulleres interesadas en participar pertenzan a colectivos vulnerables non se terá en conta o criterio de idade.
Os obxectivos de «Enredadas» van desde afastar da soidade a estas mulleres ata traballar o seu autocoñecemento, autoestima, asertividade… así como fomentar o aumento do seu grao de empoderamento e a creación ou afianzamento das redes de apoio entre elas.
Todas estas sesións terán un transfundo lúdico e traballaranse todos estes conceptos a través de xogos e dinámicas, actividades, exercicios de relaxación, entre outros.
En canto á colaboración coas asociacións veciñais, por unha banda inténtase fomentar a vida nos distintos barrios de Soutomaior, e por outra, facilitar o desprazamento das participantes.
As actividades son todas de balde e a gran maioría comezarán a primeira semana de outubro. O horario de cada unha delas pódese consultar na seguinte imaxe que corresponde á programación:
As mulleres interesadas en formar parte destas iniciativas poden inscribirse poñéndose en contacto de xeito directo coa Asociación que imparte a actividade elexida.
