O obxectivo da Orquesta Clásica de Vigo para esta tempada é claro, buscan celebrar o seu aniversario exaltando o hábito e contando con solistas da casa cos que presumir de talento e xenialidade local. Sergio Gómez, Cristina Nogueira, Mauro Mariño Suárez e Jennifer Gómez Vilar son algúns exemplos das súas corporacións. Tamén queren atraer talento de fóra convidando ao director trentino Alessandro Arnoldo e realizando un intercambio co Ensemble Vocal Pro Musica, do Porto.
O programa comezará o 21 de setembro cun concerto no Auditorio municipal, en que será protagonista a sección de vento da Clásica e o 11 de outubro, xa no Teatro Afundación, poderanse escoitar as distintas bandas sonoras da triloxía cinematográfica de Batman. Para finalizar as actuacións de este ano, o 29 de decembro terá lugar o Concerto de Nadal, no que se reunirán músicos que pasaron pola orquestra e que desenvolven as súas carreiras musicais lonxe de Vigo.
O último concerto da tempada chegará o 10 de maio coa Misa de Beethoven, no que participará o Ensemble Vocal Prol Musica do Porto. A Orquestra Clásica de Vigo fará dous concertos fóra da tempada. O primeiro será o 10 de xaneiro no Cinema Salesianos e o segundo, no marco das celebracións culturais de Semana Santa, o 12 de abril.
As entradas están á venda en ataquilla.com, con prezos que van desde os 5 aos 17 euros. Hai tamén a posibilidade de comprar un abono para toda a tempada. No transcurso da presentación, o alcalde de Vigo, Abel Caballero, cualificou o labor exercido pola orquestra como «imprescindible para o desenvolvemento cultural desta cidade», e destacou o papel realizado desde fai corenta anos por Manuel Martínez Álvarez-Nava, director musical da formación.
