O Concello do Porriño impulsa un novo obradoiro de emprego onde 16 mozos e mozas en situación de desemprego poderán formarse mentres traballan nas especialidades de carpintería e albanelería urbanización.
A administración autonómica vén de dar luz verde a “O Noso Encontro co Emprego”, un programa de emprego para a mocidade. Este proxecto está dirixido a persoas menores de 30 anos que deberán estar inscritas e ser beneficiarias do sistema nacional de Garantía Xuvenil e entre os requisitos é imprescindible que estén dados de alta como demandantes de emprego na oficina de emprego.
A posta en marcha deste novo programa require unha inversión de, aproximadamente, 484.000 euros. De estos, 439.000 euros estarán financiados pola Consellería de Emprego, Comercio e Emigración da Xunta de Galicia e 45.000 pola corporación.
Dende a organización deste novo programa impulsado polo Concello do Porriño estiman con que en cada unha das especialidades teña ocho alumnos e alumnas que estén traballando en cada unha das especialidades.
As persoas participantes na de carpintería de madeira poderán poñer en práctica os coñecementos adquiridos a través da reparación de tres pasarelas no Paseo do Louro. De esta forma, facilitarán o tránsito pola senda peonil que percorre a marxe do río.
Por outro lados, os encargados da parte de albanelería participarán nos traballos de urbanización e pintura na rúa Paralela 3 do Polígono Industrial de A Granxa, coa execución de novas beirarrúas.
O programa “O noso encontro co emprego” ten unha duración de doce meses. Comezará o 1 de outubro do 2024 e rematará o 30 de setembro de 2025, previsiblemente.
O alcalde do Porriño, Alejandro Lorenzo, salientou esta “boa nova, que non só servirá para acometer obras de mellora no polígono industrial de A Granxa e no Paseo do Louro, senón que sirve, unha vez máis, para formar e contratar traballadores en especialidades moi demandadas e coa intención de que aumenten as posibilidades reais de inserción laboral”.
As persoas interesadas en participar poden informarse na oficina de Porremprego, situada no Multiusos de Torneiros.
