A conselleira de Medio Ambiente e Cambio Climático, Ángeles Vázquez, que visitou este martes o río Artes, en Ribeira, explicou que este tipo de traballos consisten na retirada de árbores caídas nas canles fluviais, a limpeza das marxes, o control de especies exóticas invasoras e a eliminación de obstáculos que impidan o discorrer libre das augas.
Nesa liña, a responsable autonómica incidiu en que os 152 quilómetros nos que se leva actuado desde xaneiro equivalen á distancia que hai entre A Coruña e Vigo e que para o segundo semestre hai orzamentados 1,5 millóns de euros para labores deste tipo.
