Porriño organiza a primeira Mostra de ciencia na rúa, Acienciacerta, co patrocinio de Zendal, que terá lugar os días 6, 7 e 8 de xuño. O alcalde, Alejandro Lorenzo, acompañado polo director da feira, Juancho Castaño, e a directora de comunicación de ZENDAL, Beatriz Díaz, presentou a primeira edición deste evento que pretende achegar a ciencia á veciñanza do Porriño.
Así, entre os principais obxectivos desta feira está o de aumentar as vocacións científicas e espertar o gusto pola ciencia entre pequenos e maiores. Todo isto dunha maneira lúdica e asequible para os nenos e nenas. Tamén establecer pontes entre docentes, institucións científicas e a sociedade dun xeito diferente para compartir coñecementos e ideas. ACIENCIACERTA contará con persoeiros de relevancia no eido científico como a Catedrática de Física Aplicada da Universidade de Vigo, Verónica Salgueiriño Maceira que será a I Madriña de ACIENCIACERTA e a encargada de ler o Pregón. Verónica, veciá de Pontellas, é investigadora en materiais magnéticos con aplicación en biodispositivos como nanorobots no CINBIO. Tamén Concha Monje Micharet, catedrática da Universidade Cartos III de Madrid, investigadora de
Robótica Branda e Control de Sistemas no Grupo de Investigación “RoboticsLab”. Estarán tamén Roberto Iglesias Rodríguez, profesor da USC en intelixencia artificial e coordinador do Grao de Investigador do CiTIUS, e Laura Filloy, xornalista científica de Gciencia. Ademáis, para facer chegar a inquedanza científica a través da expresión artística contaremos coa gañadora do premio Goya, Janet Novás, e o ilustrador Kiko da Silva.
Durante a Feira celebrarase un concurso no que os distintos stands dos centros educativos mostrarán as súas propostas e será un xurado científico, xunto co voto popular, quen determine o gañador desta edición. O xurado estará presidido pola madriña desta edición, que estará acompañada pola farmacéutica Celia Diz e Julio Sánchez, enxeñeiro industrial en AIMEN.
