Moi grave un operario ao sufrir unha descarga eléctrica na vía férrea en Redondela

Ás 3:30 horas desta madrugada, un compañeiro alertou da situación mediante a súa chamada ao 112 Galicia. Explicou que estaban a traballar na vía férrea, próximos á estación redondelana, en sentido Vigo. Aínda descoñecen se a descarga puido producirse pola manipulación da catenaria ou por outro tipo de elemento da circulación ferroviaria. En calquera caso, o home, LLM de 24 anos, quedou inconsciente e era necesaria a intervención médica o máis axiña posible. Así, desde o 112 Galicia, avisouse aos profesionais de Urxencias Sanitarias de Galicia-061 e aos axentes da seguridade da Policía Local e Nacional.
Uns minutos máis tarde, solicitouse, tamén, a participación dos Bombeiros de Porriño debido a que o ferido caeu sobre a plataforma na que traballaba, a uns 8 metros de altura sobre a vía férrea. Alí mesmo comezaron a súa reanimación, finalmente con éxito, aínda que o seu estado é grave. Deste xeito, foi evacuado ao Hospital Álvaro Cunqueiro de Vigo para continuar cos coidados necesarios.
En canto á circulación de trens, o persoal de ADIF, Administrador de Infraestructuras Ferroviarias, asegurou que a zona na que se produciu o accidente é de dobre vía, polo que, aínda que unha permaneza cortada, os convois avanzan pola outra