O alcalde de Vigo, Abel Caballero, anunciou hoxe un novo concerto deste verán no auditorio vigués ao aire libre.
O mércores, 7 de agosto, será o turno do grupo británico UB40.
Nacido en Birmingham en decembro de 1978, este grupo conta cunha traxectoria musical protagonizada por ser un grupo multirracial que se fixo notorio polo seu compromiso social e político nos seus primeiros anos de actividade.
«Foron absolutamente dominantes nos anos 80 e 90», destacou Caballero este xoves na presentación deste concerto, quen reflexionou tamén sobre a súa «gran tendencia e temática social».
O grupo vendeu 70 millóns de copias en todo o mundo e lograron 50 éxitos nas listas británicas, así como un importante éxito a nivel internacional, especialmente polos seus cóvers de temas como Rede Rede Wine (de Neil Diamond), Kingston Town (de Lord Creator) ou Can´t Help Falling in Love (de Elvis Presley) nunha colección de traballos chamdos «Labour of Love».
Foron nomeados aos Grammy a mellor álbum de reggae catro veces e en 1984 foron nomeados ao Brit Award por mellor artista novo.
A banda ten o récord de estar máis semanas nas listas británicas, cun total de 214 semanas, durante os anos 80, marca que comparte cos británicos Madness.
