Será a partir das 18 h no parque do Cristo e os encargados de amenizar a xornada serán os grupos Andalu-sí e Pasión Flamenca
O vindeiro domingo 28 de abril O Porriño vivirá por unhas horas un pouco da maxia da Feria de Abril na praza do Cristo a partir das 18: 00 horas. Os encargados de amenizar o ambiente serán o grupos Andalu-sí e Pasión Flamenca, que repiten este ano.
O grupo rociero Andalu-sí é coñecido por toda Galicia polo seu repertorio de música popular andaluza, como flamenco, sevillanas, rumbas ou salves. Andalu-sí fórmano Álex Márquez (voz), Lito González (percusión) e Juan Zamudio (guitarra e voz), tamén componentes e excompoñentes do coro rociero da Casa de Andalucía de Vigo. Soen actuar en bares, tabernas e feiras locais, onde xa empezan a engadir algunhas cantigas de taberna e outras cancións populares galegas como parte do seu repertorio.
O baile de Pasión Flamenca, grupo dirixido por Silvia Moreno, non deixará indiferentes aos presentes, aos que de seguro conquistarán coa súa forza, alegría e elegancia. A Asociación Española Contra o Cancro do Porriño estará presente vendendo rifas por valor de 2€ para sortear un xamón. O recaudado irá íntegramente para a loita contra o cancro.
O alcalde, Alejandro Lorenzo, e o concelleiro de Cultura e Festexos, Bienvenido Estévez, xunto con integrantes do grupo de baile, presentaron onte o evento e aproveitaron para convidar á veciñanza a participar nesta festa que nos trae un anaquiño de Andalucía ao noso pobo, no que hai cabida para tódalas culturas e representacións artísticas.
