Galicia gaña6.577 afiliados á Seguridade Social en marzo —un 0,62% máis que en febreiro— e reduce o paro en 1.572 persoas (-1,2%) coincidindo coa Semana Santa. O número de desempregados sitúase de novo por baixo dos 130.000, en concreto 129.011, segundo os datos publicados este martes polo Ministerio de Inclusión, Seguridade Social e Migracións. Ao mesmo tempo, a ocupación na comunidade chegou a 1.061.595 cotizantes.
En España, a cifra de ocupados supera por primeira vez os 20,9 millóns de cotizantes á Seguridade Social: a afiliación media gañou 193.585 cotizantes en marzo e o mes pechouse cun total de 20.901.967 ocupados, 525.414 traballadores máis que hai un ano (+2,6%). Pola súa banda, o paro rexistrado reduciuse en 33.405 persoas ata os 2.727.003 desempregados, a cifra máis baixa desde marzo de 2008.
Por sectores, os que gañaron máis afiliados en marzo foron a hostalería, o comercio e a educación, por esta orde.
