O proxecto, enmarcado no Plan de Sostibilidade Turística en Destino Condado – Paradanta “Unha terra entre ríos” que conta co financiamento do Plan de Recuperación do Ministerio de Industria, Turismo e Comercio, ten un orzamento máximo de 72.000 euros e as empresas poderán presentar ofertas ata o mércores 13 de marzo.
Con esta iniciativa búscase poñer en valor, difundir e divulgar o patrimonio arqueolóxico asociado á Idade de Ferro e á cultura castrexa na comarca do Condado-Paradanta, dotándoo de ferramentas dixitais para mellorar a interpretación do conxunto patrimonial existente.
Incluirá unha proposta de realidade virtual, un portal web e a instalación de sinalética intelixente.
