O presidente da Deputación de Pontevedra, Luis López, participou na inauguración da mostra e aproveitou para presentar o premio creado polo ente provincial, o “Boas Prácticas en Igualdade”, que recoñece o traballo pola igualdade no social, cultural, deportivo ou educativo.
Acompañado pola deputada provincial de Igualdade, Sandra Bastos; o alcalde do Porriño, Alejandro Lorenzo; a profesora e investigadora, Tamara Amorín, e integrantes da comunidade educativa, o presidente da Deputación fixo fincapé na necesidade de traballar ao longo de todo ano para acadar a meta dunha igualdade real entre mulleres e homes.
