O Festival de Cans, cuxa XXI edición terá lugar do 21 ao 25 de maio nesta aldea de O Porriño, tributará este ano unha homenaxe ao acordeonista vasco Kepa Junkera e farao dun xeito singular: bautizando o histórico espazo do Jaliñeiro co seu nome.
Na homenaxe, que terá lugar o mércores 22 de maio, o festival rescatará dúas pezas audiovisuais inéditas sobre Junkera e proxectará o documental “Berpiztu” (Renacer), que narra o seu proceso personal tras o ictus.
Durante varias edicións, o Jaliñeiro de Cans foi un dos espazos emblemáticos do certame, no que actuaron artistas como Iván Ferreiro, Coque Malla, Mercedes Peón e Janet Novás, Uxía, Radio Océano ou os Diplomáticos
Últimos días de inscrición de curtas a concurso
O Festival de Cans ten aberto ata o 3 de marzo o prazo para inscribir curtas, videoclips e filmes a concurso para as creadoras e creadores que o desexen. Dende a organizaicon destacan que «polo de agora, hai un moi bo ritmo de obras inscritas, a maioría delas dun excelente nivel». O Festival de Cans rebasará nesta edición por vez primeira os 12.000 euros en premios entre as obras participantes
