Un neno de 10 anos acoitelou presuntamente nas costas á parella da súa nai. Aconteceu en Taboada, en Lugo.
Axentes da Garda Civil detiveron nas últimas horas ao home como posible autor dun delito de violencia no ámbito familiar.
Os feitos foron postos en coñecemento da Guardia Civil, ás 14:00 horas deste domingo.
O home foi atacado por un menor, no contexto dese suposto episodio de violencia, e tiña un corte nas costas, pero a ferida non revestía gravidade e o home non necesitou ser trasladado a un centro hospitalario.
O 112 explicou que recibiu un aviso por parte de Urxencias Sanitarias 061, reclamando a presenza das forzas de seguridade por un suposto altercado entre o neno e a parella da súa nai.
Segundo transcendeu, o menor é un neno de dez anos, quen saíu en defensa da nai, a quen o seu padrasto lle estaba dando unha malleira. O pequeno agarrou un coitelo e cravoullo nas costas ao home.
O detido pasa a disposición xudicial en Chantada.
