O paro subiu en setembro en Galicia un 2,28% con respecto ao mes anterior, co peche da tempada turística. O avance é tres veces superior á media estatal, onde as persoas desempregadas incrementáronse un 0,73% nese mesmo período, e deixa á comunidade como a cuarta na que a subida é máis acusada.
En termos porcentuais, só rexistraron cifras maiores Asturias, Estremadura e Andalucía. En total, son 130.643 persoas anotadas como paradas nas listas, 2.918 máis que hai un mes.
A secretaria de Emprego de CC.OO. en Galicia, Maica Bouza, atribúe esta caída do paro as políticas de emprego da Xunta centradas na hostalería e no turismo e non nunha industria forte:
