Chegan as Festas do Cristo e con elas unha nova edición do Concurso de Novos Talentos Musicais Val da Louriña, TES TALENTO?.
A concellería de Cultura e Festexos xa fixo públicas as bases que rexen a participación deste certame dirixido a artistas afeccionados. Como cada ano comezará coa preselección (pechada ao público) o día 15 de setembro (infantís e adultos/as) no auditorio do Centro Cultural Municipal .
Os adultos terán unha semifinal, celebrarase o 22 de setembro, na praza Arquitecto Antonio Palacios e a final de infantil e de adultos será o día 1 de outubro ás 17 h na praza Arquitecto Antonio Palacios.
Poderán participar neste concurso todas aquelas persoas que o desexen, con límite de idade de 15 anos na modalidade infantil e de 16 en diante na de adultos. Poderán presentarse tamén grupos ata un máximo de catro componentes nas dúas modalidades.
O prazo de inscrición abriu hoxe, mércores 6 de setembro, e rematará o 14 de setembro, en horario de luns a venres de 9 a 14 h, nas dependencias do Rexistro do Concello do Porriño.
