A Garda Civil de Baiona-Nigrán investiga a un veciño de Tui como principal responsable de catro delitos de danos nun chiringuito de Praia América.
Atribúenselle dous delitos leves de danos por corte do fluido eléctrico a este establecemento con intención de boicotear a actividade, un delito de usurpación de estado civil por unha denuncia presentada no Concello de Nigrán contra este establecemento en nome doutra persoa e outro do lume provocado en dito local días antes da súa apertura.
O investigado resulta ser o anterior xestor do establecemento durante os anos anteriores.
A concesión destes chiringuitos de praia faise tras concurso público, antes de cada verán, podendo optar a eles calquera persoa. As puxas pola concesión fanse en sobre pechado, polo que os que optan ás concesións, non saben ata última hora se obteñen a adxudicación ou non. Este ano, o perxudicado puxo por unha cantidade ostensiblemente superior á ofertada polo investigado, o que conlevou que este perdeu a súa concesión.
O investigado é un veciño de Tui, de 50 anos, con antecedentes penais.
