Correos xa formalizou 1.417 contratacións de reforzo en Galicia para o correcto desenvolvemento das actividades relacionadas co voto por correo para as Eleccións Xerais
que se celebrarán o 23 de xullo. A nivel nacional xa se formalizaron un total de 19.985 contratos de reforzo.
Correos empezou a realizar estas contratacións en toda España o 30 de maio, día da convocatoria electoral. Correos seguirá contratando todos os efectivos que sexan necesarios para garantir o voto por correo nas Eleccións Xerais do 23 de xullo.
Correos acometeu esta alta cifra de contratacións de reforzo tendo en conta o incremento no número de solicitudes de voto por correo recibidas, e a coincidencia do período electoral coas vacacións de verán, de modo que tamén cubriu ao 100% as vacacións do persoal durante o mes de xullo. Neste sentido, cabe destacar que máis dun 30% das empregadas e empregados que tiñan previstas as súas vacacións neste mes, solicitaron voluntariamente atrasalas para estar dispoñibles durante a campaña, o que
indica o alto nivel de compromiso do persoal de Correos co servizo público.
Os cidadáns que queiran votar por correo nas Eleccións Xerais poden solicitalo ata hoxe, 13 de xullo (inclusive), vía en liña en www.correos.es ou en calquera oficina de Correos de España. O prazo para depositar o voto por correo, en calquera oficina de Correos, esténdese ata o 20 de xullo (inclusive).
Correos recomenda a toda a cidadanía que desexe votar por correo que realice as xestións canto antes, aproveitando a amplitude horaria das oficinas postais, e que procuren non deixalo para última hora para evitar esperas e acumulacións indeseadas.
