As persoas que cumpren 65 ou 80 anos neste 2023 recibirán a vacina contra o herpes zóster.
Dous meses antes do previsto. O Sergas comezou este luns, 10 de abril, a poñer a vacina contra o herpes zóster ás persoas que neste 2023 cumpran 65 anos ou 80 anos.
Os nados en 1943 e 1958 son os primeiros en vacinarse.
Así, cada ano recibirán a vacina as persoas que vaian chegando a esa idade, os 65 anos e os 80.
Ademais mantense a administración a persoas maiores de 18 que pertenzan a grupos de alto risco como transplantadas ou as que reciben quimioterapia.
A pauta desta vacina é de dúas doses separadas por dous meses polo menos.
