A Unidade de Movilidad e Seguridade viaria (UMSV) da Garda Civil para a 2ª edición da Volta ciclista “O Gran Camiño”, percorrerá este venres, 24 de febreiro, a provincia de Pontevedra.
O inicio da etapa será na localidade de Tui e a meta estará disposta na Guarda, no alto do monte de Santa Trega.
Está composta por un total de 60 gardas civís. 40 da Agrupación de Tráfico procedentes de toda Galicia e que darán protección dinámica aos ciclistas e mobilidade e seguridade viaria, en xeral, a todo o evento; e 20 compoñentes da Agrupación de reserva e Seguridade, do grupo de Pontevedra, encargados da seguridade cidadá e a orde pública no interior das etapas, especialmente nos portos de montaña e en zonas de aglomeración de persoas.
Oito dos gardas civís do dispositivo de tráfico proceden do Subsector de Tráfico de Pontevedra.
En canto a medios materiais, a Agrupación de Tráfico achega ao dispositivo 33 motocicletas, 3 turismos, 1 monovolume e 2 furgóns; a Agrupación de reserva e Seguridade 5 vehículos todoterreo e 1 furgón.
A Comandancia da Garda Civil de Pontevedra, pola súa banda, apoiará o paso da UMSV achegando a gardas civís en labores de seguridade cidadá e de seguridade viaria.
Mentres que o percorrido oficial da Volta contará con 568 quilómetros, a UMSV percorrerá un total aproximado de 1200 quilómetros, entre etapas e desprazamentos.
O Sector de Tráfico de Galicia, montará unha Caseta na zona de meta, na subida a Santa Trega, no que se poderá observar unha conxugación de medios materiais e no que diversos gardas civís resolverán todas as dúbidas do público que se achegue.
